各位親愛的嘉賓、校監、校長、主任、各位老師、各位家長、各位小朋友大家好，我係K3班浠瑤媽咪，好榮幸能夠以家長代表身份在這裡發表感言。
由大女芷瑜2018年入學到浠瑤現在畢業，不經不覺就過了6年時間。回想起兩個女返學的點點滴滴，從2019年尾遇上疫情，學校間斷地停課及復課，大女疫情嚴重期間畢業，細女由當初日日喊著返學，到認識許多新朋友、新事物，很高興距地都好喜歡分享每日學校所見所聞，我聽著都覺得十分有趣，都是好難忘嘅回憶！
學校算是小朋友的第二個家，每日返學的早上，每位當值老師都熟悉親切叫著每位同學的名字，每天都會見到校長好開心迎接每位返校的同學，感受到好像在家一樣的溫暖。在這三年裡校長、主任、老師、校工不辭勞苦，每天照顧全校小朋友食飯、學習、午休的問題，其中艱辛點滴可知。
今年學校有好多活動，家長觀課、星期三 Fun Day義工、仲有每個主題外出參觀義工等等，俾佐好多機會我地家長走進校園了解學校教育模式同方向，了解小朋友系學校學習同與人相處方式。我有参加星期三Fun Day義工，見到剛開始K2、K3小朋友想玩地方唔同，意見唔統一需要老師、義工幫助同調解，到最後由K3小朋友照顧K1，N班小朋友，我好感恩可以見証，佢地好有愛心同耐性照顧小弟弟小妹妹作為家長好感動，家長可以一齊見證小朋友慢慢進步，慢慢成長機會好難得。
好快我地小朋友將要進入人生另一個階段，雖然唔知將來嘅轉變，但相信我地K3班小朋友同家長都會懷著對花浸依依不捨心情。感謝老師們對小朋友關愛同指導，感謝你地一直以來為小朋友健康快樂的幼兒生活付出努力。
最後祝福各位小朋友有一個開心愉快充實嘅小學生活！祝福花園大廈浸信會幼兒學校越辦越好！在座各位身體健康、幸福美滿！